20 სმ/დმ საცხობი ფორმისთვის

პერსონა – 12

1-2 დღით ადრე მოვამზადოთ ბისკვიტი

ბისკვიტი:

ფქვილი – 420 გრ

სოდა – 1/2 ჩ.კ.

გამაფხვიერებელი – 1 ჩ.კ.

მარილი – მწიკვი

შაქარი – 300 გრ

კარაქი – 200 გრ

ზეთი – 120 მლ.ლ.

კვერცხი – 6 ც

არაჟანი – 330 გრ

ვარდისფერი საღებავი – 3 წვეთი

მომზადების ტექნოლოგია:

მშრალი ინგრედიენტები გავცრათ.

არაჟანში შევურიოთ საღებავი.

კვერცხი და შაქარი ამოვიყვანოთ მიქსერით და დავუმატოთ არაჟანი. გავაგრძელოთ მიქსერით შერევა. დავუმატოთ რბილი კარაქი, შევურიოთ. შემდეგ ზეთი და ფქვილი , სოდა, გამაფხვიერებელი, მარილი – რამოდენიმე ეტაპად.

ბისკვიტი მზად არის.

გამოცხობა:

წინასწარ გაცხელებულ ღუმელში, 170 გრადუსზე 45-50 წუთი ( შევამოწმოთ ჩხირით).

კრემ – ყველის კრემი:

ნაღები 33% – 500 მლ.ლ.

კრემ – ყველი – 500 გრ

შაქრის პუდრი – 250 გრ (თუ მეტად ტკბილი გსურთ, დაუმატეთ 50 გრ)

მომზადების ტექნოლოგია:

სამივე ნედლეული ერთად მოვათავსოთ და მიქსერით გავთქვიფოთ, სანამ კარგად არ გაერთიანდება. გადავიტანოთ საკრემავ ტომარაში ან თასითვე, მოვათავსოთ მაცივარში 1 საათი, სანამ კარგად არ გაგრილდება და შედგება.

ტორტის აწყობა:

ბისკვიტი გავჭრათ, ისე რომ მივიღოთ 4 თანაბარი ფენა და გადავანაწილოთ თითოეულზე თანაბრად კრემი.

გარედანაც გავლესოთ და მოვათავსოთ მაცივარში 1 ღამით.

სურვილისამებრ გავაფორმოთ ფერადი კანფეტებით ❤

წარმატებებს გისურვებთ ❤