საშობაო შტოლენი

გერმანული საშობაო შტოლენი მოგიმზადეთ.
ეს არის ტკბილი პური, სხვადასხვა ჩირებთ , ციტრუსით და თხილეულით გაჯერებული.

ტრადიციულად, შტოლენი მზადდება ახალ წლამდე 2 კვირით ადრე და ინახება.. ამ პერიოდში ხდება ინგრედიენტების ფერმენტაცია, სტრუქრურულად და გემოვნური თვისებებითაც ძალიან იცვლება. ასე რომ გაითვალისწინეთ ეს პერიოდი : )

ინგრედიენტები:

ქიშმიში – 300 გრ (შეგიძლიათ ქიშმიში 200 და გარგრის ჩირი,კურაგა 100)

რომი – 50მლ

სხვადასხვა თხილეული – (ნუში, კაკალი, ფიჭვის თესლი) – 200 გრ

ციტრუსის კონფი (ცედრის) – 150 გრ

ლიმონის ცედრა – 1 ც

ზღვის მარილი – 5 გრ

ვანილის ჩხირი – 1ც

ფქვილი – 600 გრ

რძე – 150 გრ

კარაქი (ოთახის ტემპერატურის) – 250 გრ

კვერცხი – 2ც

საცხობი ფხვნილი (გამაფხვიერებელი) – 15 გრ

საფუარი (გრანულები) – 15 გრ

შაქარი – 125 გრ

გამოცხობის შემდეგ:

დამდნარი კარაქი – 150 გრ

შაქრის ფხვნილი – 290 გრ

ლიმონის წვენი – 1ც

მომზადების ტექნოლოგია:

1.ქიშმიში, გარგრის ჩირი და რომი ჩავალბოთ, შევურიოთ დაჭრილი თხილეული, ლიმონის ცედრა, მარილი, ვანილი და ციტრუსის კონფი. ეს მასა მე გავაჩერე 1 ღამე მაცივარში. ციტრუსის კონფი მოვამზადე შემდეგნაირად. 2 ც ფორთოხალის ცედრა ვადუღე (5წთ) 100 გრ წყალთან და 100 გრ შაქართან ერთად, ბოლოს დავუმატე 10 გრ კარტოფილის სახამებელი და ძალიან ნელ ცეცხლზე გავაჩერე ნახევარი წუთი, ვურიე განუწყვეტლივ.

2. თბილი რძე (38 გრადუსი) , შაქარი და საფუარი შევურიე ერთმანეთში და გავაჩერე 10 წთ. ფქვილი, საცხობი ფხვნილი (გამაფხვიერებელი) , რძის მასა, მოვზილოთ მიქსერით ძალიან კარგად. დავუმატოთ კვერცხი, კარგად მოვზილოთ, შემდეგ კარაქი, ასევე მოვზილოთ კარგად, მიღებული ცომი, მოვათავსოთ ცხიმწასმულ თასში, გადავაკრათ პლასტირი და დავასვენოთ თბილ ადგილას 1 სთ.

3. დასვენების შემდეგ, ცომს შევურიოთ თხილეულის მასა (რომელიც მაცივარში გვქონდა გაჩერებული 1 ღამით) და ცომი კვლავ დავასვენოთ 1 საათით. ( გაითვალისწინეთ, რომ ცომი დიდად ზომაში არ იმატებს).