შვეიცარული მერინგი იმით განსხვავდება იტალიურისგან , რომ ეს არის გამოსაცხობი, ვინაიდან აქ ცილა რჩება უმად. 

ამ რეცეპტით შეგიძლიათ ბევრი სახეობა გამოაცხოთ. შეურიოთ სხვადასხვა საღებავი, დასვათ სხვადასხვა ფორმები, გააკეთოთ ფირფიტები, შეურიოთ ქოქოსის ფანტელი და თხილეული.

დამიჯერეთ, თუ სწორად დაიცავთ ტექნოლოგიას და პროპორციებს, მთელი ღამე ღია ღუმელში გაჩერება და სხვა მითები აღარ დაგჭირდებათ : )

ინგრედიენტები:

კვერცხის ცილა -200 გრ

შაქარი -400 გრ

მომზადება:

კვერცხის ცილა და შაქარი მოვათავსოთ ერთად საკონდიტრო თასში , ხელის სათქვეფით შემოვურიოთ რათა გაერთიანდეს მასა და მოვათავსოთ ორთქლის აბაზანაზე. ვურიოთ ხელის სათქვეფით წრიულად და ნელა, სანამ მასის ტემპერატურა არ მიაღწევს 45-50 გრადუსს. (როგორ შევამოწმოთ: მოხრილი თითს რომ ჩავყოფთ ამ მასაში, უნდა გვიკბინოს მსუბუქად და მზად არის) .

მოვხსნათ ორთქლის აბაზანიდან და საშუალო-მაღალ სიჩქარეზე ამოვიყვანოთ მიქსერით, სანამ ძალიან არ გასქელდება და ასევე, მიქსერის თასი გარედან შეხებაზე, უკვე უნდა იყოს გრილი.

სურვილისამებრ შევურიოთ ვანილინი, სხვადასხვა ფერები და დავსვათ სასურველი ფორმები.

გამოცხობა: 90-100 გრადუსზე 45-60 წუთი. (გააჩნია ზომებს).

შეგიძლიათ ძირზე დაკაკუნებითაც შეამოწმოთ მზად არის თუ არა.

ინახება– გრილ და მშრალ ადგილას 1 თვემდე.