შოკოლადის მაფინი (კაკაო, შოკოლადის მარცვლებით)

კაკაოს და შოკოლადის მაფინები იდეალურად დაამშვენებს თქვენი შვილის ლანჩ-ბოქსს 🙂

ინგრედიენტები:

კარაქი (რბილი) – 100 გრ

ყავისფერი შაქარი (შეგიძლიათ თეთრით ჩაანაცვლოთ) – 150 გრ

კვერცხი – 2 ც

რძე – 200 გრ (მსუბუქად თბილი)

ფქვილი – 210 გრ

კაკაო – 50 გრ

გამაფხვიერებელი – 5 გრ

შოკოლადის მარცვლები მოსაყრელად – 50-60 გრ

შოკოლადის მარცვლები შეგიძლიათ იყიდოთ, ბონა-სერაში, თამარაშვილზე, საკონდიტრო ინგრედიენტების მაღაზიაში.მე რაც გამოვიყენე, არის თერმული შოკოლადის წვეთები, რომელიც გამოცხობისას არ დნება. კარგია ზემოდან მოსაყრელად.

  • მაფინს არ უნდა ბევრი თქვეფა. გარედან დამსკდარი და მადისაღმძვრელი რომ გამოვიდეს, მსუბუქად უნდა გადავურიოთ ინგრედიენტები ერთმანეთს. თხევადი ინგრედიენტები შეგვიძლია მიქსერით, ხოლო როდესაც ფქვილს და მშრალ ინგრედიენტებს ჩავამატებთ, ხის კოვზით ან მარიზით ამოვურიოთ სანამ არ გაერთიანდება.
  • ყავისფერ შაქარს იმიტომ ვიყენებ, რომ თავისი თვისებებით, ძალიან უხდება შოკოლადის და მუქი ფერის კექსოვან ნამცხვრებს. აძლევს მათ წებოვნებას,  ნაკლებად ტკბილია და ჩვეულებრივ შაქართან შედარებით ჯანსაღი.img_0068

მომზადების ტექნოლოგია:

კარაქი და შაქარი გავთქვიფოთ მსუბუქად, შემდეგ შევურიოთ კვერცხი, თბილი რძე და ფქვილი, კაკაო, გამაფხვიერებელი ჩავყაროთ ერთ ჯერზე. ამოვურიოთ ხის კოვზით სანამ არ გაერთიანდება.

მიღებული მასა საკრემავი პარკით, ჩვეულებრივი ან ნაყინის ამოსაღები კოვზით მოვათავსოთ ერთჯერად ქაღალდის კესეტებში / სილიკონის ფორმებში, გემოვნებით მოვაყაროთ შოკოლადის მარცვლები და გამოვაცხოთ 165 გრადუსზე 15 წუთი. img_0080

გამოცხობა : 165 გრ. 15-17 წთ.

მაფინები შეგიძლიათ მოათავსოთ , სამზარეულოს ერთჯერად პარკებში და გაყინოთ 1 თვის განმავლობაში. მირთმევის წინ, 1 საათით ადრე საჭიროა გამოიტანოთ ოთახის ტემპერატურაზე. თუ სწორად და კარგად შეინახავთ, თქვენ ვერ განასხვავებთ მას ახალი გამომცხვარისგან.

წარმატებებს გისურვებთ!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s